H. L. Mencken

E 1920, oadet 40 vloaz.

Henry Louis Mencken (1880-1956) a oa ur c'hazetenner stadunanat, un arnodskriver, ur flemmganer hag ur yezhoniour war saozneg ar Stadoù-Unanet. Kalz en deus skrivet a-zivout sevenadur e vro.

Arroudoù

A-douez an dud desket, ar c'hloer a ziskouez an derez izelañ a vuhezegezh vicherel. Forzh pe veleg zo aotreet da sunañ arvalien digant gouizieien ar ranngredennoù kevezer, ha da ziskuliañ ar ouizieien-se evel triklerien a-fet doueoniezh.

• Of learned men, the clergy shows the lowest development of profesional ethics. Any pastor is free to cadge customers from the divines of rival sects, and to denounce the divines themselves as theological quacks.

— Minority Report, 1956.

A-raok ma komzfe un den e cheller atav damgrediñ diarvar ez eo ur genaoueg. Goude m'en deus komzet e vez ral a wech rekis damgrediñ ez eo unan.

• Before a man speaks it is always safe to assume that he is a fool. After he speaks, it is seldom necessary to assume it.

— Sententiae, 1916.

Alvokad — un den hag hon diwall diouzh al laeron dre lemel an temptadur.

• Lawyer — one who protects us against robbers by taking away the temptation.

— Sententiae, 1916.

An azeulerezh, evel ma vez sevenet gant ar gristenien, a hañval ganin bezañ disleberus, kentoc'h eget noplaus. Ender'hel a ra en em deurel a-flav dirak ur Boud a zellez, mard eus anezhañ evit gwir, bezañ diskuliet kentoc'h eget doujet.

• The act of worship, as carried on by Christians, seems to me debasing, rather than ennobling. It involves grovelling before a Being who, if he really exists, deserves to be denounced instead of respected.

— Meneget e Dictionary of Cynical Quotations.

An darn vrasañ eus ar gomunouriezh, evel forzh pe relijion diskuliet all, zo graet diwar diouganoù.

• Hope is a pathological belief in the occurence of the impossible.

— Meneget e Dictionary of Cynical Quotations.

An demokratelezh eo an damkanadenn a stad e oar an dud petra a fell dezho, hag ez int dellezek d'e gaout mat ha kalet.

• Democracy is the theory that the common people know what they want, and deserve to get it good and hard.

— A Book of Burlesques, 1920.

An den borodus eo a vez atav diarvar hag an den diarvar eo a vez atav borodus.

• It is the dull man who is always sure and the sure man who is always dull.

— Prejudices 2nd series, 1922.

An diforc'h a zo etre un den reizhek hag un den a enor eo e sav keuz en hemañ diwezhañ goude un ober dizenorus, zoken pa'z eo aet en-dro ha n'eo ket bet tapet.

• The difference between a moral man and a man of honour is that the latter regrets a discreditable act, even when it has worked and he has not been caught.

— Sententiae, 1916.

An dud eo al loened nemeto hag en em ouestl, deiz goude deiz, da lakaat o hentez da walleürus. Un arz par d'ar re all eo. Arallgarourien a reer eus e vailhed.

• Men are the only animals that devote themselves, day in and day out, to making one another unhappy. It is an art like any other. Its virtuosi are called altruits.

— Sententiae, 1916.

Ar baotred dizimez a oar hiroc'h diwar-benn ar maouezed eget ar baotred dimezet. Mar ne rafent ket e vefent dimezet ivez.

• Bachelors know more about women than married men. If they didn't, they would be married too.

— A Mencken Chrestomathy, 1949.

Ar C'hrouer zo ur c'homedian o deus e arvesterien aon rak c'hoarzhin.

• The Creator is a comedian whose audience is afraid to laugh.

— Meneget e Dictionary of Cynical Quotations.

Ar garantez zo diazezet war ur sell war ar maouezed hag a zo dic'hallus da forzh pe waz hag en deus bet skiant-prenet outo.

• Love is based upon a view of women that is impossible to any man who has had experience of them.

— Prejudices 4th series, 1924.

Ar goanag zo ur gredenn gleñvedel e degouezh ar pezh a zo dic'hallus.

• Hope is a pathological belief in the occurence of the impossible.

— Sententiae, 1916.

Ar gouarnamant reizhekañ eo an hini gwashañ. Unan savet gant kineien a vez alies gouzañvus-kenañ ha denel-tre. Pa vez ar vargredourien er penn avat ne vez harz ebet d'ar mac'homerezh.

• The worst government is the most moral. One composed of cynics is often very tolerant and humane. But when the fanatics are on top there is no limit to oppression.

— Meneget e Dictionary of Cynical Quotations.

Ar goustiañs eo ar vouezh er c'hreizon hag hor gouzav e c'hellfe un den bennak bezañ o sellout.

• Conscience is the inner voice that warns us that someone might be looking.

— A Mencken Chrestomathy, 1949.

Ar ouiziegezh pennañ a zastumer dre lenn levrioù eo gouzout ez eus nebeut-tre anezho hag a dalv ar boan o lenn.

• The chief knowledge that a man gets from reading books is the knowledge that very few of them are worth reading.

— Meneget e Dictionary of Cynical Quotations.

Ar surentez eo ar pezh a c'hoanta an darn vuiañ eus an dud er bed-mañ, n'eo ket ar frankiz.

• Most people want security in this world, not liberty.

— Minority Report, 1956.

Ar wirionez — un dra bennak a zo dizenorus en un doare bennak evit un den bennak.

• Truth — something somehow discreditable to someone.

— Sententiae, 1916.

Arz ar merañ ar sirk eus kaoued ar marmouz eo an demokratelezh.

• Democracy is the art of running the circus from the monkey cage.

— Sententiae, 1916.

Atav e vez rannet ma c'halon gant an druez ouzh an den pa stlak un engroez o daouarn outañ. Trawalc'h eo dezhañ bevañ hir a-walc'h evit ma vefe huet warnañ.

• When I hear a man applauded by the mob I always feel a pang of pity for him. All he has to do to be hissed is to live long enough.

— Minority Report, 1956.

Bewech ma klevit un den o komz a-zivout e garantez evit e vro e tiskouez emañ o c'hortoz bezañ gopret evit kement-se.

• Whenever you hear a man speak of his love for his country, it is a sign that he expects to be paid for it.

— Sententiae, 1916.

Bredyac'haerezh — an damkanadenn hag a stad e pareo ar c'hlañvad e doare pe zoare moarvat, hag a-dra-sur ez eus ur mallozh diod anezhañ.

• Psychotherapy — the theory that the patient will probably get wel anyhow, and is certainly a damned ijjit.

— Sententiae, 1916.

Brientoù ha n'eo ket gwirioù eo ar pezh a vez priziet gant an dud er bed-mañ.

• What men value in this world is not rights, but privileges.

— Minority Report, 1956.

Doueoniezh — ur striv da zisplegañ ar pezh na c'heller ket gouzout dre e wiskañ gant gerioù ar pezh n'eo ket dav gouzout.

• Theology — an effort to explain the unknowable by putting it into the terms of the not worth knowing.

— Sententiae, 1916.

En demokratelezh, an eil kevrenn a vez atav o ouestlañ he nerzhioù pennañ da glask prouiñ n'eo ket gouest heben da ren — hag an div a zeu a-benn peurliesañ, ha gwir a lavaront.

• Under democracy, one party always devotes its chief energies to trying to prove that the other party is unfit to rule — and both commonly succed, and are right.

— Minority Report, 1956.

Gwarizi a reer eus an damkanadenn a stad ez eus dik ken nebeut a vlizidigezh gant un den bennak all.

• Jealousy is the theory that some other fellow has just as little taste.

— Sententiae, 1916.

Hir amzer zo rekis d'an den a zo fizius dre natur evit anzav dezhañ e-unan ne vo ket sikouret gant Doue goude-holl.

• It takes a long while for a naturally trustful person to reconcile himself with the idea that after all God will not help him.

— Minority Report, 1956.

Hogos atav e vez ar youl da saveteiñ mab-den un talbenn faos d'ar youl da ren.

• The urge to save humanity is almost always a false front for the urge to rule.

— Minority Report, 1956.

Hogos atav e vez an usvedoniezh un taol-arnod evit prouiñ ar pezh a zo digredus dre c'hervels ar pezh a zo digomprenus.

• Metaphysics is almost always an attempt to prove the incredible by an appeal to the unintelligible.

— Minority Report, 1956.

Ken dreist meiz hag ul laer onest eo ur politiker mat.

• A good politician is quite as unthinkable as an honest burglar.

— Minority Report, 1956.

Lavarit a garot a-zivout an Dek Gourc'hemenn, atav e vez ret deoc'h distreiñ d'ar fed plijus ma n'eus nemet dek anezho.

• Say what you like about the Ten Commandments, you must always come back to the pleasant fact that there are only ten of them.

— Sententiae, 1916.

Leve magañ — an daspren a vez paeet gant ar re eürus d'an diaoul.

• Alimony — the ransom that the happy pay to the devil.

— A Book of Burlesques, 1920.

N'em eus klevet a-zivout broad ebet a zo hag a zellez bevañ. Ha n'em eus klevet nemet diwar-benn nebeut-re a hiniennoù.

• I know of no existing nation that deserves to live. And I know of very few individuals.

— Meneget e Dictionary of Cynical Quotations.

N'eus ket a zodennoù borodus. N'eus nemet skrivagnerien vorodus.

• There are no dull subjects. There are only dull writers.

— Meneget e Esquire Magazine, 1965.

Nepred ne dro an ezhec'h da vat. Da ampart e troont, traken.

• Husbands never become good. They merely become proficient.

— Sententiae, 1916.

Pep c'hwitadenn a zesk un dra bennak d'an den ; da lavaret eo, moarvat e c'hwito adarre er c'hentañ gwech.

• Every failure teaches a man something; to wit, that he will probably fail again the next time.

— Sententiae, 1916.

Politiker — forzh pe waz hag en deus trawalc'h a levezon evit kaout ur post a blac'h-ti en ti-kêr evit e vamm gozh.

• Politician — any man with influence enough to get his old mother a job as a charwoman at City Hall.

— Sententiae, 1916.

Puritanegezh — an aon sorc'hennus na vefe un den bennak, en ul lec'h bennak, eürus..

• Puritanism — the haunting fear tha someone, somewhere, may be happy.

— A Book of Burlesques, 1920.

Ret eo dimp doujañ da relijion an den all, hepken avat en doare ma ha betek ma toujomp d'e zamkanadenn hag a stad ez eo kenedus e wreg ha speredek e vugale.

• We must respect the other fellow's religion, but only in the sense and to the extent that we respect his theory that his wife is beautiful and his children smart.

— Minority Report, 1956.

Talvoudegezh pennañ an arc'hant eo e vever en ur bed ma'z int dreistprizet.

• The chief value of money is that one lives in a world where it is over-estimated.

— Meneget e Dictionary of Cynical Quotations.

Ul lubanelour zo un den hag a brezeg kelennadurezhioù e oar int diwir da dud e oar int dioded.

• The demagogue is one who preaches doctrines he knows to be untrue to men he knows to be idiots.

— Meneget e Dictionary of Cynical Quotations.

Un den brudet zo unan hag a zo anavezet gant kalz tud ez eo laouen pa n'o anavez ket.

• A celebrity is one who is known to many persons he is glad he doesn't know.

— Sententiae, 1916.

Un denjentil zo un den ha ne sko nepred gant ur vaouez hep atahin.

• A gentleman is one who never strikes a woman without provocation.

— Sententiae, 1916.

Un doare relijion eo an demokratelzh. Azeuladeg chakaled gant azened eo.

• Democracy is a form of religion. It is the worship of jackals by jackasses.

— Sententiae, 1916.

Un idealour zo un den hag a zezastum, pa verz ez eo gwelloc'h c'hwezh ur rozenn eget hini ur gaolenn, e rafe gwelloc'h soubenn ivez.

• An idealist is one who, on noticing that a rose smells better than a cabbage, concludes that it will also make better soup.

— Sententiae, 1916.

Ur gredenn voutin en hevelep touelloù, triaklerien ha kornandoned eo ar vignoniezh.

• Friendship is a common belief in the same the same fallacies, mountebanks and hobgoblins.

— Sententiae, 1916.

Ur pennad-barn zo ur gaou lakaet da wirheñvel.

• Criticism is prejudice made plausible.

— Meneget e Dictionary of Cynical Quotations.